मन्त्रीहरूसमक्ष जिल्लाका समस्या राख्दै सांसद राई

काठमाडौं, २० चैत। प्रतिनिधि सभा सदस्य आरेन राईले गृहमन्त्री सुधन गुरुङलाई आफ्ना जिल्लाको सुरक्षासँग जोडिएका समस्याबारे ध्यानाकर्षण गराएका छन् ।

खोटाङबाट निर्वाचित राईले केपिलासगढी, छितापोखरी, भडारेघाट लगायत प्रहरी चौकी भवन निर्माणसँग सम्बन्धित मागपत्र बुझाएका छन् । ‘सुरक्षासँग सम्बन्धित समस्याहरु आज गृहमन्त्रीलाई बुझाएको छु,’ सांसद राईले भने, ‘अब अरु विषयगत मन्त्रालय पुगेर जिल्लाका जनताका समस्याहरु राख्नेछु ।’

उनका अनुसार अब बाँकी मन्त्रालयमा पनि चाँडै ज्ञापनपत्र बुझाउने तयारी छ । प्रधानमन्त्री बालेन्द्र शाहले सांसदहरुसँग राखेको छलफलमा श्रम संस्कृति पार्टीका सांसदहरुले गएका थिएनन् ।

पार्टीको नीतिअनुसार प्रदेशगत सांसदहरूको भेलामा नगएका सांसद राईले छुट्टा–छुट्टै मन्त्रालय पुगेर ज्ञापनपत्र मार्फत जिल्लाको समस्या राख्न थालेका हुन् ।