कलैया मेयर गोल्ड कप फुटबल प्रतियोगिता २०७७ को सम्पूर्ण तयारी पूरा

दिपेन्द्र जयसवाल । बारा । चैत्र २० गते
शनिबार देखि हुने प्रथम ऐतिहासिक कलैया मेयर गोल्ड कप फुटबल प्रतियोगिता २०७७ को सम्पूर्ण तयारी पूरा भएको छ । कलैया स्थित सिद्धेश्वर खेल मैदानमा भोलि देखि हुने प्रथम मेयर गोल्ड कप फुटबलको तयारी पूरा भएको आयोजक कलैया फुटबल क्लबका सल्लाहकार सम्साद मन्सुरले जानकारी दिएका छन् । भोलि हुने प्रथम मेयर गोल्ड कप फुटबल को पहिलो खेलमा जनकपुर स्पोर्टस क्लब र ए.पि.एफ बर्दीबास बीच हुने छ ।भोलि दिउँसो १ बजे एक कार्यक्रमका बीच कलैया उपमहानगरपालिका का नगर प्रमुख राजेश राय यादवले खेल उद्घाटन गर्नु हुने छ भने दिउँसो २ बजे खेल सुरु हुने कलैया फुटबल क्लब का अध्यक्ष कुल्दिप ठाकुर ले बताउनु भयो । भोलि को उद्घाटन कार्यक्रममा महागढिमाई नगरपालिका का नगर प्रमुख उपेन्द्र प्रसाद यादव , बारा का प्रमुख जिल्ला अधिकारी सुरेन्द्र पौडेल , जिल्ला प्रहरी कार्यालय बारा का प्रमुख प्रहरी उपरीक्षक दिपेन्द्र शाही , सहित तिनै सुरक्षा निकाय का प्रमुख एवम् प्रतिनिधिहरु को उपस्थिति रहने छ ।भोलि देखी सुरु हुने खेलमा ८ वटा टिम रहेको क्लब का कोषाध्यक्ष साहिल हवारीले बताए ।