बागमतिमा आइतबार कोरोना बिरुद्ध सचेतना कार्यक्रम सम्पन्न

वर्तमानकाल समाचारदाता । रौतहट । १९ बैशाख ।
रौतहटको बागमतिमा आइतबार कोरोना बिरुद्ध सचेतना कार्यक्रम सम्पन्न भएको छ । लायन्स क्लब अफ बागमती पौराइको आयोजनामा कोभिड १९ विरुद्ध सचेतना मुलक कार्यक्रम एक समारोहकाबिच सम्पन्न भएको हो । चन्द्रपुर—१ बागमतिस्थित ट्राफिक पोस्ट अगाडिबाट क्यन्टिन बजार हुदै समाजिक दुरि कायम गरि सचेतना मुलक नारा लेखिएको ब्यानर र प्ले कार्ड सहित टोल परिक्रमा गरि कार्यक्रम सम्पन्न गरिएको हो । कार्यक्रममा टोल बासीहरुलाई घरघरमा नै पुगेर ३०० थान मास्क वितरण गरिएको गौतम खडुकाले बताउनु भयो । राजमार्गमा विभिन्न कामले आउनु भएका मास्क प्रयोग नगरेका नागरिकहरुलाई पनि मास्क वितरण गरिएको बलराम राउतले बताउनु भयो । कार्यक्रममा क्लबको तर्फबाट गौतम खडका , बलराम राउत , गोपाल घिमिरे , राकेश कुश्वाहा , गणेश राउत , कमल मिश्र, रबिन खडका,कर्म रुम्बा माधब दहाल,सुकेन्द्र गोले,जिवराज नेपाल साथै ट्राफिक प्रहरी इन्चार्ज ,प्रहरी चौकी प्रमुख सहित टोल वासीहरुको सक्रिय सहभागिता रहेको थियोे ।