अनलाइन सट्टाबाजी सञ्चालन आरोपमा एक युवक पक्राउ

सोसल मिडिया एन्ड अनलाइन पेमेन्ट प्ल्याटफर्म मार्फत अनलाइन जुवा खेलाइरहेको भन्ने सूचनाको आधारमा उनलाई मंगलबार पक्राउ गरिएको हो । काठमाडौँ उपत्यका अपराध अनुसन्धान कार्यालय टेकुबाट खटिएको प्रहरीले उक्त कार्यमा संलग्न भएका आरोपमा कागेश्वरी मनोहरा नगरपालिका–८ शिवचोकबाट पक्राउ गरेको हो ।

प्रारम्भिक अनुसन्धानको क्रममा मोहनले अनलाइन मार्फत गेम रुम, गेम भल्ट, जुवा, लास भेगस लगायतका बेटिङ साइट मार्फत डिजिटल वालेट खोल्न लगाई विदेशी भुक्तानी सङ्कलन गरी अनलाइन बेटिङ खेलाउने गरेको खुल्न आएको छ ।

साथै प्रहरीले उनको साथबाट मनिटर ३ थान, सिपियु १ थान, आइप्याड १ थान, बागमती प्रदेश ०२–०६० प ०६५६ नम्बरको मोटरसाइकल र नगद ३६ हजार रुपैयाँ समेत बरामद गरेको छ । उनलाई आवश्यक अनुसन्धान तथा कारबाहीका लागि जिल्ला प्रहरी परिसर काठमाडौँमा पठाइएको छ ।