निर्वाचन अनुशासन उल्लंघनमाथि उजुरी दिन कांग्रेसले थप्यो समय

काठमाडौं, ०२ वैशाख। नेपाली कांग्रेसले गत २१ फागुनमा सम्पन्न निर्वाचनका क्रममा अनुशासन उल्लंघन गर्ने पार्टी सदस्यहरूविरुद्ध उजुरी दिने समय थप गरेको छ ।

यसअघि १८ चैतमा बसेको अनुशासन समितिको बैठकल चैत मसान्तभित्र उजुरी पठाउन निर्देशन दिएको थियो ।

त्यसपछि आज फेरि अनुशासन समितिको बैठक बसेको थियो । बैठकले उक्त अवधि थप गरेर वैशाख मसान्तसम्म उजुरी पठाउन सकिने निर्णय गरेको हो ।

वैशाख मसान्तपछि प्राप्त हुन आएका उजुरी उपर कुनै कारबाही नहुने अनुशासन समितिको निर्णयमा उल्लेख छ ।