कोरोनाको कारण जीतपुरसिमरामा एक जनाको मृत्यु

दिपेन्द्र जयसवाल,बारा,१४ बैशाख
कोरोना संक्रमणका कारण जीतपुरसिमरा उपमहानगरपालिकामा एक जनाको मृत्यु भएको छ । नारायणी अस्पतालले दिएको जानकारी अनुसार कोरोनाका कारण वडा नम्बर ४ का ४० बर्षिया महिलाको मृत्यु भएको हो ।
उनको मृत्यु नारायणी अस्पतालको आइसोलेसन वार्डमा भएको अस्पतालले जनाएको छ । वडा नम्बर ४ निवासी ४० वर्षीया महिलालाई वैशाख ९ गते नारायणी अस्पतालमा उपचारका लागि लगिएको थियो ।
सोही दिन भएको पीसीआर परीक्षणका क्रममा उनमा कोरोना संक्रमण पुष्टि भएको थियो । आज बिहान साढे १ बजेतिर उनको मृत्यु भएको थियो ।
कडा निमोनियाका कारण उनमा स्वासप्रश्वासको बढी समस्या थियो ।