टांयाकरमा मोटरसाइकलले ठक्कर दिएपछि एक जनाको उपचारक्रममा मृत्यु, एक गम्भीर

जनकपुरधाम । धनुषा जिल्लाको धारापानीमा रोकिराखेको तेल टंयाकरमा मोटरसाइकल ठक्करदिएपछि एक जनाको मृत्यु भएको छ। भने एकको अवस्था गम्भीर रहेको छ । पूर्वपश्चिम राजमार्ग अन्तर्गत धनुषाधाम नगरपालिका वडा नम्बर ९ धारापानी आर्मी ब्यारेक अगाडि रोकिराखेको ना ४ ख ३४७४ नम्बरको तेल टंयाकरमा पश्चिमबाट पूर्वतर्फ आउँदै गरेको ज १ प ३४६३ नम्बरको मोटरसाइकल ठोक्किएको थियो । ठक्करबाट मोटरसाइकल चालक धनुषाधाम नगरपालिका वडा नम्बर ६ हरिपुरको १७ बर्षिय राजेशकुमार यादवको मृत्यु भएको प्रहरीले जनाएको छ भने सो मोटरसाइकलमा पछाडि सवार सोही ठाउँ बस्ने बर्ष १८ को इन्द्रजीत सहनी गम्भीर भएको इलाका प्रहरी कार्यालय ढल्केवरले जनाएको छ । चालक यादवको उपचारको क्रममा प्रादेशिक अस्पताल जनकपुरमा मृत्यु भएको हो । ठक्करबाट गम्भीर घाइते दुबैको धारापानीस्थित एक नीजि स्वास्थ्य उपचार केन्द्रमा उपचार सम्भव नभएपछि प्रादेशिक अस्पताल जनकपुर पठाइएको थियो ।