चन्द्रपुरको गैडाटारमा मोटरसाइकल दुर्घटना , ४ घाइते , २ को अबस्था गम्भिर

उपेन्द्र गोले रौतहट ३० जेठ ।
रौतहटको चन्द्रपुरमा आइतबार साझ मोटरसाइकल दुर्घटनामा ४ जना घाइते भएका छन । रौतहटको चन्द्रपुर नगरपालिकाको वडा नम्बर ३ गैडाटारको प्रणमी टोल सडकखण्डमा मोटरसाइकले स्थानिय दुर्गा प्रसा तिमल्सिनालाई ठक्कर दिदा चालकसहित ४ जना घाइते भएको इलाका प्रहरी कार्यालय चन्द्रनिगाहपुरका डिएसपि लिलाराज लामिछानेले बताउनु भयो । चन्द्रपुर नगरपालिकाको वडा नम्बर ३ गैडाटारका गौरव मोक्तान , रोहित वाइबा र दिल बहादुर स्याङतान गरि ३ जना सवार मोटरसाइकल अनियन्त्रित भइ पैदय यात्री तिमल्सिनालाई ठक्कर दिएको प्रत्यक्षदर्शीले बताएका छन । घाइते भएकाहरुमध्ये २ जनाको अबस्था गम्भिर रहेको , १ जना मध्यम र १ जनाको अबस्था सामान्य रहेको प्रहरीले जनाएको छ । गम्भिर अबस्था रहेको पैदल यात्री दुर्गा प्रसाद तिमल्सिना विरगंजस्थित नारायण्ी न्युरो अस्पतालमा र मोटरसाइकल चालक भरतपुर चितवन थप उपचारका लागी रिफर गरिएको डिएसपि लामिछानेले बताउनु भयो । विस्तृत जानकारी भने सोमबार बिहानसम्म आउने उहाले बताउनु भयो ।