कमिशनको लोभमा कोरोनाको लागि चाहिने भेण्टिलेटर मेसिन खरिद भएन

अमरेस कुमार पाण्डेय
कलैया बारा असार ०८
जिल्ला अस्पताल कलैयामा कमिशनको लोभमा अति आवश्यक स्वास्थ्य समाग्रीहरु खरिद नगरिएको तथ्य बाहिर आएको छ ।
अस्पताल प्रशासनले राष्ट्रिय मेडियामा जिल्ला अस्पतालमा कोरोना संक्रमितहरुको लागि चाहिन अति आवश्यक आईसियु भेन्टिलेटर मेसिन दुई थान खरिद गर्न टेण्डर अहवान गरेको थियो ।

टेण्डरको नियम प्रक्रिया अनुसार स्वास्थ्य क्षेत्रमा काम गर्ने पुर्वाञ्चल बायोमेड, विरगंज सर्जिकल, निक्की मेडिसिन सप्लार्यस लगायतका संस्थाहरुले टेण्डर भरेका थिए । टेण्डर भरेकाहरु मध्ये कम रेटमा टेण्डर भरेको कम्पनीलाई स्वीकृत गर्ने प्रवधान रहेको छ ।
करिव ३२ लाखमा विरगज सर्जिकलले टेण्डर भरेपनि उसलाई अहिले लकडाउन छ भनेर पन्छयाउदै अस्पताल मेडिकल सुपरिडेण्टको गृह जिल्लाका कम्पनीलाई टेण्डर स्वीकृत गर्न लगाईयो । सुपरिडेण्टका आफनो आसेपासेको पुर्वाञ्चल बायोमेड कम्पनीलाई ४० लाखमा टेण्डर स्वीकृत गर्न नाम निकालियो ।
पुर्वाञ्चल बायोमेड कम्पनी भन्दा पनि कम दर रेटमा विरगज सर्जिकल टेण्डर भरे पनि स्विकृत नगरिएको एक अर्का सञ्चालकले जानकारी गराएका छन् । सुचना निस्केको १८ दिन भैसक्यो तर पनि सम्झौता नगरिएको उनले बताए ।
नियम अनुसार सुचना निस्केको ७ दिन भित्र आएर सम्झौता गरिसक्नु पर्ने हुन्छ । तर केहि कारणवश स्वीकृत भएको कम्पनी आएन भने टेण्डर अहवान गरेको संस्थाले तीन दिने सुचना पुन निकाल्ने प्रवधान रहेको छ ।
यसरी ७ दिन र ३ दिन गरि निस्केको सुचनामा पनि स्वीकृत कम्पनी नआएको खण्डमा दोश्रो कम रेटमा भरेको कम्पनीलाई सम्झौता गर्ने नियम रहेको छ । तर अस्पताल प्रशासनको मिलिभगतले अर्को कम्पनीलाई नदिदा समयमै स्वास्थ्य समाग्री खरिद गर्न सकिएको छैन ।
अस्पताल प्रशासनका केबिन्द्र यादवसँग बुझदा आईसियु भेण्टिलेटर खरिद गर्न अहवान गरेकोमा पुर्वाञ्चल बायोमेडलाई सम्झौता गरिसकेको बताए । टेण्डर अहवान भएको १८ दिन भईसक्यो सम्झौता कहिले गर्नु भो भन्ने प्रश्नमा कुरा नबङ्गयाउनुस बैक ग्यारेण्टी ल्याएर दिएको छ के सम्झौता भन्न मिल्दैन उनको भनाई रहेको छ ।
कमिशनको लोभमा यस्ता धेरै निकाय छन, जुन गोप्य तरिकाले सुचना निकाली कमिशनमा लिप्त हुने गरेका छन् । कमिशनको लागि यस्ता धेरै निकाय पनि छन, जुन पछिको मितिमा पनि सुचना निकाली पनि काम गर्ने गरेको सर्वविदितै छ ।
पहुच भएकाहरु ठुलठुला अस्पतालमा उपचार गरि निको भएका छन, भने गरिव असाहयहरु अनाहकमा ज्यान गुमाउनु परेको छ । यस्ताका लागि नत स्वास्थ्य कार्यलय नत स्थानिय तहले नै कुनै किसिमको ठोस पहल गरेको पाईन्छ ।
जिल्लामा हाल सम्म उचित व्यवस्था नभएकोले जिल्लाबाट ३३ महिला र ९० पुरुष गरि एक सय ३३ जनाले ज्यान गुमाईसकेका छन् । दिनहु ५० भन्दा बढि संक्रमितहरु हुने गरेको जिल्ला प्रहरी कार्यलयको तथ्याङ्कले देखाउछ । भने जिल्ला स्वास्थ्य कार्यलयमा स्वास्थ्य समाग्रीको अभावले कोरोना संक्रमितहरु पुर्ण रुपमा पर्साको विरगंजमा भर पर्ने गरेका छन् ।
मेडिकल सुपरिटेन्डेन्ट डा गौरव महतोलाई फोन गर्दा कहिले मिटिगमा कहिले फोन नउठाई आफनो अनियमितता ढाकछोप गर्न खोजेका छन् ।