रवि लामिछाने भारतीय राजदूतलाई भेटेर धनगढी पुगे

 काठमाडौं, ०६ फल्गुन। राष्ट्रिय स्वतन्त्र पार्टी (रास्वपा) सभापति रवि लामिछानेले भारतीय राजदूत नवीन श्रीवास्तवसँग भेटवार्ता गरेका छन्। 

राजदूत भेट्न लामिछाने मंगलबार काठमाडौं जिल्ला अदालतमा तारेख बुझेर एकछिन अगाडि सोझै बत्तिसपुतलीस्थित होटल द्वारिका पुगेका थिए।

रवि भारतीय राजदूतसँग भेटेर साढे ५ बजे बाहिरिएको बताइएको छ। फागुन २१ गतेको निर्वाचन नजिकिँदै गएको अवस्था,लामिछानेमाथि अदालतमा विचाराधीन सम्पत्ति शुद्धिकरण तथा संगठित ठगीको मुद्दा फिर्ता लिने सरकारको प्रयास असफल झैं भएको सन्दर्भमा गरिएको भेटलाई अर्थपूर्ण ठानिएको छ।

भारतीय राजदूतसँगको भेटपछि लामिछाने त्रिभुवन विमानस्थल हुँदै धनगढी गएका थिए। रास्वपाले आज धनगढीमा सभा गर्दैछ।