काम अलपत्र पार्ने ५ ठेकेदार कम्पनीमाथि कारबाही

वीरगञ्ज , ०२ असोज । प्रधानमन्त्री तथा मन्त्रिपरिषद्को कार्यालय मातहतको सार्वजनिक खरिद अनुगमन कार्यालयले कामको जिम्मेवारी समयमै पूरा नगर्ने ५ निर्माण कम्पनीलाई कालोसूचीमा राखेको छ ।

कार्यालयले बिहीबार सूचना जारी गर्दै विभिन्न सार्वजनिक निकायबाट कालोसूचीमा राख्न सिफारिस भई आएका निर्माण कम्पनीलाई सार्वजनिक खरिद ऐन, २०६३ को दफा ६३ को उपदफा (१) बमोजिम कालोसूचीमा राखिएको जनाएको हो ।

कार्यालयका अनुसार जिम्मा लिएको काम तोकिएको समयमा सम्पन्न नगरेका कारण ती कम्पनीलाई कारबाहीस्वरूप कालोसूचीमा राखिएको हो।