‘बालेनको कदमले नयाँ आयाम थप्यो’ : प्रधानन्यायाधीश सिफारिसबारे मुख्यमन्त्री यादव

मुख्यमन्त्री यादवले न्यायालयमा कार्यपालिकाको प्रभाव हुन नहुनेमा पनि जोड दिए । उनले कानुन कार्यान्वयनको प्रक्रियामा राजनीतिक हस्तक्षेप अस्वीकार्य रहेको उल्लेख गर्दै निष्पक्ष न्याय प्रणालीको आवश्यकता औंल्याए ।

उच्च अदालत जनकपुर अन्तर्गतका मधेश प्रदेशका आठवटै जिल्लाका इजलाशलाई निष्पक्ष र निर्भीक रूपमा फैसला सुनाउन आग्रह गर्दै उनले न्यायाधीशहरूलाई अपराधीलाई कारबाही र निर्दोषलाई संरक्षण गर्ने दायित्वप्रति सजग रहन आग्रह गरे ।

“अपराधी उम्किनु हुँदैन, तर निर्दोषले सजाय पनि भोग्न नपरोस्,” उनले भने ।

कानुन दिवसका अवसरमा आयोजित न्यायिक महोत्सवमा मधेश प्रदेशका आठवटै जिल्लाका न्यायाधीश, अदालतका कर्मचारी, कानुन व्यवसायी, सर्वसाधारण तथा कानुन संकायका विद्यार्थीहरूको उल्लेखनीय सहभागिता रहेको थियो ।