भन्सार छली नेपाल भित्र्याइएका १० भारतीय इलेक्ट्रिक स्कुटर वीरगञ्जमा बरामद

वीरगञ्ज, ०२ असोज । नेपाल प्रहरीले वीरगञ्जबाट भन्सार छली अवैध रूपमा नेपाल भित्र्याइएका १० वटा भारतीय इलेक्ट्रिक स्कुटर नियन्त्रणमा लिएको छ।

जिल्ला प्रहरी कार्यालय पर्साका अनुसार भदौ ३१ गते दिउँसो ४ बजे वीरगञ्ज महानगरपालिकाका विभिन्न स्थानबाट भन्सार छली अनधिकृत रूपमा सञ्चालन गरिरहेका अवस्थामा ती स्कुटरहरू बरामद गरिएको हो।

बरामद गरिएका भारतीय इलेक्ट्रिक स्कुटरहरूको अनुमानित बजार मूल्य करिब ८ लाख रुपैयाँ रहेको जिल्ला प्रहरी कार्यालय पर्साका प्रहरी नायब उपरीक्षक एवं प्रवक्ता चक्रबहादुर मल्लले जानकारी दिए।