वीरगञ्जका क्यासिनोमा छापा, ५ भारतीयसहित ६ जना पक्राउ

वीरगञ्ज, २७ वैशाख। वीरगञ्जका विभिन्न ४ वटा क्यासिनोमा प्रवेश गरी जुवातास खेलिरहेको अवस्थामा ६ जना पक्राउ परेका छन् ।

जिल्ला प्रहरी कार्यालय पर्साका अनुसार ५ भारतीयसहित ६ जना पक्राउ परेका हुन् ।

पक्राउ पर्नेमा भारतको बिहार घर बताउने २६ वर्षीय गणेशकुमार, ३८ वर्षीय संदीपकुमार, ३१ वर्षीय सुरजप्रसाद, ४३ वर्षीय अल्लाह यादव र ३६ वर्षीय ओमप्रकाश यादव रहेका छन् ।

पर्साको वीरगञ्ज महानगरपालिका-३२ का ३७ वर्षीय जमुदिन मियाँ अन्सारी पनि पक्राउ परेका छन् ।