४ लाख ११ हजारका चोरीका गहना बरामद, पर्सामा महिला पक्राउ

पर्सा,०४ कात्तिक।  पर्सामा चोरीका गरगहनासहित एक महिलालाई प्रहरीले पक्राउ गरेको छ। पक्राउ परेकी महिलाको साथबाट करिब चार लाख ११ हजार रुपैयाँ बराबरका सुन तथा चाँदीका गरगहना बरामद गरिएको प्रहरीले जनाएको छ।

जिल्ला प्रहरी कार्यालय पर्साका प्रहरी नायब उपरीक्षक चक्रबहादुर मल्लका अनुसार वीरगञ्ज महानगरपालिका–६ स्थित गहवामाई मन्दिर नजिक रहेको हर्ष ज्वेलर्सबाट चोरी भएका गरगहनासहित ती महिलालाई पक्राउ गरिएको हो।

प्रहरीका अनुसार महिलाको साथबाट एक तोलाको सुनको सिक्री र दुई तोला चाँदीका पाँच सेट पायल बरामद गरिएको छ। बरामद गरिएका गरगहनाको अनुमानित मूल्य चार लाख ११ हजार रुपैयाँ रहेको जनाइएको छ।