सर्लाही मा सिलौटा प्रहार गरी पत्नीको हत्या

राजेन्द्र सर्लाही बैशाख २७ गते ।
सर्लाहीमा पतिले सिलौटा प्रहार गरी पत्नीको हत्या गरेका छन् । सर्लाहीको हरिवन नगरपालिका ११ स्थित रामबली साहको घरमा डेरा गरी बस्दै आएका ३५ वर्षीय विजयलाल कर्णले पत्नी ३२ वर्षकी उषा देवी कर्णको सिलौटा प्रहार गरी हत्या गरेका हुन् । आइतबार राति घरायसी विवादमा मसाला पिस्ने सिलौटा टाउकोमै प्रहार गर्दा घटनास्थलमै पत्नी उषाको मृत्यु भएको सर्लाहीका प्रहरी प्रवक्ता मदन कुँवरले जानकारी दिए । उनीहरुको स्थायी घर लालबन्दी नगरपालिका २ नवलपुर हो । घटना लगतै पति विजयलाललाई नियन्त्रणमा लिइ घटनाको विषयमा थप अनुसनधन गरिरहेको जिल्ला प्रहरी कार्यालय सर्लाहीले जनाएको छ ।