परवानीपुरमा ट्र्याक्टर दुर्घटना, एक युवकको मृत्यु शंकास्पद

वीरगञ्ज, २२ वैशाख। बाराको परवानीपुर गाउँपालिका–३ स्थित परवानीपुर बजारमा ट्र्याक्टरले च्याप्दा करिब ३५ वर्षीय एक अज्ञात युवकको घटनास्थलमै मृत्यु भएको छ ।

आइतबार राति स्थानीय रामबाबु रौनियारको खाली जग्गामा माटो खसाल्ने क्रममा प्लास्टिक सङ्कलन गरिरहेका उक्त युवक ट्र्याक्टरको चपेटामा परेका थिए । प्रहरीका अनुसार युवकको शव घटनास्थलबाट केही अगाडि सारिएको अवस्थामा फेला परेको छ ।

इलाका प्रहरी कार्यालय प्रसौनीका प्रहरी निरीक्षक टुपेन्द्र श्रेष्ठले प्रारम्भिक अनुसन्धानमा युवक ट्र्याक्टरले च्यापिएको देखिएको बताए । तर, शवको अवस्था र स्थानले शङ्का उत्पन्न गरेको उनको भनाइ छ ।