मिथिलाञ्चलमा वटसावित्री पर्व श्रद्धापूर्वक मनाइँदै

रौतहट, ०२ जेठ। मिथिलाञ्चलमा आज मैथिली महिलाहरूले पतिको दीर्घायु, सुस्वास्थ्य तथा सुख समृद्धिको कामना गर्दै वट सावित्री पर्व श्रद्धा र भक्तिपूर्वक धुमधाम साथ मनाउँदै छन् । यो पर्वलाई मिथिला क्षेत्रमा ‘‘वसराइत पावइन’ नामले पनि चिनिन्छ ।

हरेक वर्ष जेठ कृष्ण औँसीका दिन मनाइने यस पर्वमा महिलाहरू निराहार व्रत बसेर वर र पीपलको रुखमुनि सामूहिक रूपमा पूजाअर्चना गर्ने गरिन्छ । पान, सुपारी, केरा, फलफूल, धुप, अगरबत्तीलगायतका सामग्री चढाएर महिलाहरूले वरको रुखमा रातो र पहेँलो धागो बेरी पूजा गर्ने गरिन्छ।