सप्तरी प्रहरी नेतृत्व परिवर्तन, एसपी र डिएसपी एकैसाथ सरुवा

उनीहरुको सरुवा भएसंगै सप्तरीको प्रहरी प्रमुखको रुपमा एसपी नवराज मल्ल र डिएसपी हेमराज घिमिरे आउने भएका छन् ।

पछिल्लो समय सप्तरीका प्रहरी नेतृत्वमाथि चरम  असन्तोष बढेको बेला एसपी र डिएसपी दुबैको एकसाथ सरुवाले उनीहरुको कार्यसम्पादनमा गम्भीर प्रश्न उब्जिएको छ ।

हालै मात्र न्यूज टुडे दैनिकले प्रहरीले मुद्दा  दर्ता गर्न नमानेको एक पीडितको गुनासोसहितको समाचार प्रकाशित गरेको थियो ।  बर्तमान प्रहरी नेतृत्वले सर्वसाधारण सेवाग्राही प्रति सेवा प्रवाहमा देखाएको उदानसीताको चित्रसहित समाचार प्रकाशित भएको थियो ।

भुइमान्छेको गुनासो सुनुवाइ नहुने तर पहुँचवालाको प्रभावमा परी पीडितको समस्यालाई नजरअन्दाज गर्ने प्रवृत्तिको विकासले प्रहरी संगठनको मर्यादाको धज्जी उठाएको समाचारको भावले सेवाग्राहीप्रति प्रहरीको चासो अभाव प्रष्ट देखिएको थियो ।

प्रहरीले सेवा प्रवाहलाई जनमुखी बनाउन नसक्दा एसपी र डिएसपी दुबैजनाको एकसाथ सरुवा भएको स्थानीय स्तरमा विष्लेशन हुन थालेको छ ।  कतिपयले भने प्रशासनमा प्रभाव राख्ने व्यक्तिहरुको धरपकडले एसपी र डिएसपी दुबैलाई सरुवा गरेको बताउने गरेका छन् ।