
सर्लाही, ११ असार। सशस्त्र प्रहरीले सर्लाहीको छतौना क्षेत्रबाट तस्करीका सामानसहित ५ वटा सवारीसाधन नियन्त्रणमा लिएको छ।
बुधबार मध्यराति सशस्त्र प्रहरीको बीओपी छतौनाले चार वटा भारतीय नम्बर प्लेटका पिकअप र एक नेपाली नम्बर प्लेटको ट्रक नियन्त्रणमा लिएको हो।
नियन्त्रणमा लिइएका सवारीसाधन बिहीबार बिहान सर्लाही भन्सार कार्यालयमा बुझाइएको सशस्त्र प्रहरी बल सर्लाहीका प्रवक्ता डीएसपी एकराज बुरलाकोटीले जानकारी दिए।
