सांसदको कामदेखि जनगुनासोसम्म, रास्वपाले ल्यायो डिजिटल प्लेटफर्म

वीरगञ्ज, १९ असार। राष्ट्रिय स्वतन्त्र पार्टीले सांसदका गतिविधि, भेटघाट र निर्वाचन क्षेत्रका नागरिकको गुनासा व्यवस्थापनमा सहयोग पुग्नेगरी ‘पल्स आरएसपी’ डिजिटल प्लेटफर्म विकास गरेको छ।

पार्टीलाई डिजिटल बनाउँदै लैजाने प्रक्रियाअन्तर्गत उक्त सिस्टम निर्माण गरिएको रास्वपाले जनाएको छ। रास्वपाले प्रतिनिधिसभा सदस्यलाई उक्त प्रणाली र साइबर सुरक्षासम्बन्धी सचेतना गराउने उद्देश्यले आज बिहान सिंहदरबास्थित दलको कार्यालयमा अभिमुखिकरण कार्यक्रम गर्दैछ।

बिहान १० बजे सांसदहरुलाई बोलाइएको मुख्य सचेतक कविन्द्र बुर्लाकोटीले जानकारी दिए। उक्त प्रणाली सञ्चालनमा आएसँगै संसद् बैठकलगत्तै हरेक सांसदले आफ्ना गतिविधि अनिवार्य ‘सिस्टम’मा ‘अपडेट’ गराउनुपर्ने छ।