बृन्दावन नगरपालिकाको दुई वटा घाट नाकाको ठेक्का पटा सकार

रमेश कुमार यादब
भदौं २१, रौतहट
रौतहट जिल्लाको बृन्दावन नगरपालिकामा बागमती नदीको घाटको ठेक्का पट्टा बोलकबोल प्रक्रिया मार्फत सफलतापूर्वक सम्पन्न भएको छ । यो ठेक्का पट्टा बृन्दावन नगरपालिकाका नगर प्रमुख बिनोद प्रसाद कुर्मीको रोहवरमा पशुपति निर्माण सेवा, गौर(३, द्वारा बोलकबोल र डाकबडाबड प्रक्रियाको पालना गर्दै प्राप्त गरिएको हो । नगरपालिकाको वार्ड नं. १ स्थित रमौली घाटमा रहेको बागमती नदीबाट नदिजन्य पदार्थहरू आ.व २०८१/०८२ उत्खनन तथा बिक्री बितरण गर्नका लागि यो ठेक्का प्रदान गरिएको छ ।

बोलकबोल प्रक्रिया निष्पक्ष रूपमा सम्पन्न भई, एक करोड साी लाख रुपैयाँको बोलकबोलमा शिव निर्माण सेवा गौर(३ कम्पनीले यो ठेक्का प्राप्त गरेको हो । उक्त ठेक्का सकारको लागी सुमित निर्माण सेवाले १ करोड १५ लाख ५ सय रुपैया, ईष्टदेव निर्माण सेवाले , पशुपति निर्माण सेवा गौर(२ लगायत चार वटा फर्महरुले आवेदन दर्ता गराएका थिए सो मध्ये शिव निर्माण सेवा गौर ३ ले बोलकबोल बडाबढले ठेक्का सकार गरि कार्य गर्ने भएको हो ।

नियमित रूपमा यो प्रक्रिया नगरपालिकाले निर्धारित नियम, कानुन, र शर्तहरूको आधारमा सम्पन्न गरेको हो । यस ठेक्काको म्याद र यस अन्तर्गत पालना गरिनुपर्ने अन्य शर्तहरूबारे पनि स्पष्ट निर्देशिका जारी गरिएको छ । यस ठेक्कामा संलग्न पक्षहरूलाई नदिजन्य पदार्थको उत्खनन गर्दा वातावरणीय सन्तुलन कायम गर्नुपर्ने र सरकारी नियमहरूको पूर्ण पालना गर्नुपर्ने शर्तमा प्रतिबद्ध गराइएको छ ।

यस ठेक्कापछि ठेकेदार कम्पनीले निश्चित क्षेत्रबाट नदिजन्य पदार्थ जस्तै बालुवा, गिट्टी, ढुंगा आदिको उत्खनन र वितरण गर्न पाउनेछ ।ठेक्का प्रक्रिया सम्पन्न भएसँगै बृन्दावन नगरपालिकाले आर्थिक रूपले थप सशक्त हुने अपेक्षा गरिएको छ । यसबाट नदि घाटको व्यवस्थापन सुधारमा पनि उल्लेखनीय योगदान हुने विश्वास गरिएको छ। नगरपालिकाले यस ठेक्काबाट आर्थिक लाभ प्राप्त गर्नुका साथै स्थानिय क्षेत्रमा रोजगारको अवसर सिर्जना हुने अपेक्षा गरेको छ । यस्ता ठेक्काहरुले नगरपालिका विकास र स्रोत साधनको उपयोगमा सहयोग पु¥याउने जनाइएको छ ।

नगर प्रमुख कुर्मीले ठेक्का प्रक्रियाको पारदर्शिता र नगरपालिकाको हितमा रहेको बताए । साथै, ठेकेदारले कानुनी मापदण्ड पालना गर्दै वातावरणीय संरक्षणका नियमहरु पनि पालना गर्नुपर्ने प्रावधानहरुमा विशेष ध्यान दिइएको छ । त्यसतै सोहि पालिकाको भित्र रहेका रमौली बैरिया घाट २ र भोटे टोल घाटको ठेक्का प्रक्रिया पनि सम्पन्न भएको छ । सो ठेक्काको लागि विभिन्न चार वटा फर्महरु जस्तै शिव निर्माण सेवा , सुमित निर्माण सेवा , दुर्गा निर्माण सेवा र श्री राम निर्माण सेवाले प्रतिस्पर्धा गरेका थिए । अन्ततः श्री राम निर्माण सेवा, ईशनाथ ९, रौतहटले बोलकबोल प्रक्रियामा अग्रता हासिल गर्दै ५१ लाख रुपैयामा सो घाटको ठेक्का पाएको हो ।

नगरपालिकाले उक्त घाट नाकाबाट नदिजन्य पदार्थ उत्खनन् तथा बिक्री बितरणका लागि ठेक्का बोलकबोल मार्फत निकासा गरेको थियो । श्री राम निर्माण सेवाले कानूनी प्रक्रिया पुरा गरी निर्धारित मापदण्डहरू अनुरुप नदिजन्य पदार्थ उत्खनन् गर्ने अधिकार प्राप्त गरेको छ । नगरपालिकाका प्रमुख प्रशासकीय अधिकृत खिम बहादुर भुजेलले जानकारी दिनुहुँदै ठेक्का प्रक्रिया नियममुताबिक पारदर्शी र प्रतिस्पर्धात्मक रहेको बताए ।

नगरप्रमुख बिनोद प्रसाद कुर्मीको रोहबरमा सम्पन्न यो प्रक्रिया नगरपालिकाको आयआर्जनलाई थप सुदृढ बनाउने योजना अन्तर्गतको रहेको हो । नदिजन्य पदार्थको व्यवस्थापन र उत्खननले स्थानीय क्षेत्रमा रोजगार सिर्जना हुनुका साथै नगरपालिका राजस्वमा पनि सकारात्मक प्रभाव पर्ने अपेक्षा गरिएको छ। यस ठेक्काको सम्पूर्ण प्रक्रिया नगरपालिकाका नियम र प्रावधान अनुसार भएको र काम सुरु भएसँगै स्थानीय जनतामा पनि राहत र सहजताको अनुभूति हुने विश्वास नगरपालिकाले लिएको छ ।