बगही,पोखरिया र डुमरियाको विधुत सेवा अवरुद्ध,भोली देखि मात्र सुचारु हुने

आरके श्रीवास्तव । कटहरिया । बैशाख २१ गते
विधुत पोल भाँचिएको कारण कटहरिया नगरपालिकाको केहि वडाहरूमा विधुत सेवा अवरुद्ध भएको छ । आज मंगलबार बिहान कटहरिया नगरपालिका वडा नम्बर ७ बगही टोल स्थित रहेको विधुत पोलमा ट्रैक्टरले ठोक्किदा पोल भाँचिएर वडा नम्बर ७ , ८ र ९ मा विधुत सेवा अवरुद्ध भएको छ । सो वडाहरूको बगही , पिप्रा पोखरिया र डुमरिया टोलको विधुत सप्लाई बन्द भएको नेपाल विधुत प्राधिकरण वितरण केन्द्र मौलापुर शाखाले जनाएको हो ।
यसरी ट्रैकटर चालकको लापरबाहीका कारण तीन वटा वडाका उपभोक्ताहरू अन्धकारमा बस्न बाध्य भएका छन् । उता समयमा जानकारी नहुँदा आज पोल जडान हुन नसकेको प्राधिकरणले जनाएको हो । भोली बुधबार मात्रै नयाँ पोल जडान गरि विधुत सेवा सुचारु गरिने नेपाल विधुत प्राधिकरण वितरण केन्द्र मौलापुर शाखाका कार्यालय प्रमुख ई।शक्ति साहले जानकारी गराउनु भयो । साथै लापारवाह ट्रैक्टर चालकलाई पता लगाइ कानुनी कार्यवाही गरिने उनले बताए ।