फतुवा विजयपुरमा अधिकृतको गाडी संक्रमितका लाग हस्तान्तरण ।

उपेन्द्र गोले रौतहट जेठ ०९ गते
रौतहटको फतुवा विजयपुर नगरपालिकाले प्रशासकिय अधिकृतको गाडी कोरोना अस्थायी अस्पताल फतुवा विजयपुरलाई हस्तान्तरण गरेको छ । आइतबार फतुवा विजयपुर नगरपालिकाका नगर प्रमुख प्रमोद कुमार गुप्ताले नगरपालिकाका प्रशासकिय अधिकृतले प्रयोग गर्दै आउनु भएको ना १ झ १६४६ नम्बरको गाडी होम आइसोलेसनमा रहनु भएका कोरोना संक्रमितहरुलाई उपचार गराउन , औषधी वितरण गर्ने तथा बिरामीलाई अन्य अस्पतालमा उपचाररतमा लैजान परेमा सो गाडी प्रयोग गर्न नगरपालिकाले आइसोलेसनलाई हस्तान्तरण गरेको नगर प्रमुख गुप्ताले बताउनु भयो । रौतहटको फतुवा विजयपुर नगरपालिकामा आइतबार ३ बजेसम्ममा ४३ जना कोरोना संक्रमितहरु रहेको जिल्ला प्रशासन कार्यलय रौतहटले जनाएको छ