मिटरब्याजीलाई कारबाही गर्न माग गर्दै जनकपुरमा विरोध प्रदर्शन

जनकपुर, ०१ साउन। जनकपुरमा पक्राउ परेका मिटरब्याजीलाई कारबाहीको माग गर्दै प्रदर्शन भएको छ । बिहीबार मिटरब्याजीको आरोपमा जनकपुरधाम उपमहानगरपालिका–१६ बस्ने हरेराम साह, उनकी आमा रेखाकुमारी साह र काका गोपाल साहलाई धनुषा प्रहरी पक्राउ गरेको थियो ।

उनीहरूमाथि कडा कारबाही हुनुपर्ने, छाड्न नपाइने भन्दै मिटरब्याज पीडितहरूले प्रदर्शन गरेका हुन् ।

मिटरब्याज पीडितहरुले जिल्ला प्रशासन कार्यालय धनुषा, जिल्ला प्रहरी कार्यालय धनुषा र जिल्ला अदालत धनुषा अगाडि प्रदर्शन गरेका छन् ।