उपचारमा लापरबाहीको आरोपपछि प्रदर्शन, सर्पदंशबाट महिलाको मृत्यु

Wartman Kal Dainik
/ अटो /
२०८३ श्रावण ११, सोमबार (३ घण्टा अघि)
३० पटक पढिएको

सप्तरी, ११ साउन। सप्तरीमा सर्पदंशबाट एक ४२ बर्षिय महिलाको मृत्यु भएको छ । राजविराज नगरपालिका–१५ भरुवाकी कविता यादवको सर्पदंशबाट सोमबार मृत्यु भएको हो ।

सर्पले डसेकी उनलाई आइतबार साँझ गजेन्द्र नारायण सिंह अस्पतालमा उपचारका लागि भर्ना गरिएपनि उपचारकै क्रममा मृत्यु भएको थियो । महिलाको उपचारका क्रममा मृत्यु भएपछि आफन्तजनले अगाडि प्रदर्शन गरेका छन्।

सर्पले टोकेपछि उपचारका लागि अस्पताल ल्याइएकी यादवको अस्पतालको लापरबाहीले उपचारका क्रममा मृत्यु भएको मृतकको आफन्तहरुले आरोप लगाएका छन् ।

उनीहरुले दोषीमाथि छानबिन र कारबाहीको माग गर्दै अस्पताल विरुद्ध चर्को नारा लगाउँदै विरोध प्रदर्शन गरेका छन् ।

घटनापछि अस्पताल परिसरमा तनाव सिर्जना भएको छ। अस्पतालको सुरक्षाको लागि नेपाल प्रहरी र सशस्त्र प्रहरीको टोली ठूलो संख्यामा परिचालन गरिएको छ । घटना बारे अस्पताल प्रशासनको आधिकारिक धारणा आउन बाँकी छ ।

गजेन्द्रनारायण सिंह अस्पतालमा उपचारका क्रममा विरामीको मृत्यु हुने र चिकित्सकले लापरबाही गरेको भन्दै यस्ता विरोध प्रदर्शन लगायतका घटना पटकपटक हुने गरेको छ ।