११ दिनपछि सुरुङबाट उद्धार भएका साह अस्पतालबाट डिस्चार्ज

काठमाडौं, २६ भदौ। भदौ १० को रसुवा भोटेकोशी बाढीका कारण त्रिशूली ३ एको सुरुङभित्रै फसेर १० दिनपछि उद्धार भएका सञ्जय साह अस्पतालबाट डिस्चार्ज भएका छन्।

बाढीका कारण सुरुङमा फसेको १०औं दिनमा उनको उद्धार गरी उपचारका लागि वीरेन्द्र सैनिक अस्पताल छाउनीमा भर्ना गरिएको थियो।

उपचारपछि उनी आज डिस्चार्ज भएको सैनिक प्रवक्ता एवम् सहायक रथी राजाराम बस्नेतले जानकारी दिए।   उनी अस्पतालमा भर्ना भएको ७ दिनपछि स्वास्थ्य लाभ गरी घर फर्केका हुन्।

उनलाई सुरुङबाट नेपाली सेना र सशस्त्र प्रहरी बल, प्रहरी र अन्य विज्ञसहितको संयुक्त उद्धार टोलीले उनीहरूको सकुशल उद्धार गरेका थिए। साह आयोजनाका मेकानिकल फोरम्यान हुन्।