डोल्पामा खैरो हेरोइनसहित दुई जना प्रहरी नियन्त्रणमा

डोल्पा, १३ साउन। हिमाली जिल्ला डोल्पामा लागुऔषध खैरो हेरोइनसहित दुई जना पक्राउ परेका छन्।

त्रिपुरासुन्दरी नगरपालिका- ०१ बजार बजारस्थित फ्लग फिगर होटलबाट मंगलबार साँझ ७:५० मिनेटमा दुई जनालाई पक्राउ गरिएको जिल्ला प्रहरी कार्यालय डोल्पाले जानकारी दिएको छ ।

प्रहरीका अनुसार होटलमा कोठा भाडामा लिएर बसेका दुई जनाले लागुऔषध बिक्रीवितरण गरिरहेको भन्ने गोप्य सूचनाको आधारमा खानतलासी गर्दा प्रहरी निरीक्षकको कमाण्डमा खटिएको टोलीले उनीहरुलाई पक्राउ गरेको थियो।

होटलमा कोठा भाडामा लिएर बसेका उनीहरूलाई खानतलासीका क्रममा ठूलीभेरी नगरपालिका-८ निवासी २५ वर्षीय सन्तोष भण्डारी र रुकुम पश्चिमको आठबिसकोट नगरपालिका- ११ निवासी २३ वर्षीय नवीन खड्कालाई पक्राउ गरिएको हो ।