बुंगल नगरपालिका तोडफोड गर्ने २ जना पक्राउ

बझाङ, ०१ भदौ। जिल्लाको बुंगल नगरपालिका तोडफोडमा संलग्न दुई जनालाई प्रहरीले पक्राउ गरेको छ। पक्राउ पर्नेमा सोही ठाउँमा ३० वर्षीय रामचन्द्र जोशी र ३५ वर्षीय यज्ञराज जोशी रहेको जिल्ला प्रहरी कार्यालय बझाङले जानकारी दिएको छ ।

भदौ २४ गते बुंगल नगरपालिका मेयर जयबहादुर धामी र उपमेयर धनबहादुर बोहराको कार्यकक्ष तथा निवासमा तोडफोड गरी टेबल, कुर्सी र कागजात जलाएको घटनामा संलग्नता रहेको भन्दै उनीहरूलाई पक्राउ गरिएको जिल्ला प्रहरी कार्यालय बझाङका प्रहरी निरीक्षक सूचना अधिकारी लोकेन्द्र ठगुन्नाले जानकारी दिए ।

मङ्गलवार पक्राउ परेको दुवै जनालाई उपद्रो गर्न नहुने मुद्दा दर्ता गरिएको छ। उनीहरूलाई जिल्ला प्रहरी कार्यालय बझाङको हिरासतमा राखी आवश्यक अनुसन्धान भइरहेको प्रहरीले जनाएको छ।