डीजल ट्यांकरसँग बस ठोक्किदा ४२ भारतीयको मृत्यु

काठमाडौं, ०१ मंसिर। साउदी अरबको मदीना नजिक एक भीषण सडक दुर्घटना भएको छ। यस दुर्घटनामा कम्तीमा ४२ भारतीयको मृत्यु भएको आशंका गरिएको छ। दुर्घटनामा परेका सबै व्यक्ति भारतबाट उमराहका लागि साउदी अरब पुगेका थिए। सोमबार राति उमराह समाप्त गरेर मक्का बाट मदीना जाँदै गरेका तीर्थयात्रीहरू सवार बस एक डीजल ट्यांकरसँग ठोक्किएको थियो।

टक्कर यति भयावह थियो कि बस चकनाचुर भयो र आगो समेत लाग्यो। साउदी अरबस्थित भारतीय महावाणिज्य दूतावासले एक हेल्पलाइन नम्बर सार्वजनिक गरेको छ—टोल फ्री नम्बरः ८००२४४०००३। दूतावासले २४ घण्टा सञ्चालन हुने कन्ट्रोल रूम पनि सञ्चालनमा ल्याएको छ।

मीडियावनको रिपोर्टअनुसार दुर्घटनामा परेका सबै ४२ जना भारतको हैदराबादका बासिन्दा थिए। बसमा ४३ जना यात्री थिए र तीमध्ये एक जना मात्र जीवित भेटिएका छन्, जसले दुर्घटना कति भीषण थियो भन्ने प्रस्ट पार्छ। एकमात्र बचेका व्यक्तिलाई अस्पतालमा भर्ना गरिएको छ।यो दुर्घटना भारतीय समयअनुसार करिब राति १ः३० बजे मफरिहात क्षेत्रमा भएको बताइएको छ।