एनपीएलमा उत्कृष्ट प्रदर्शन गर्ने राहुल यादवलाई मेयर साहद्वारा सम्मान

  • Wartman Kal Dainik
  • / अटो /
  • २०८३ मंसिर ३, बुधबार (८ घण्टा अघि)
  • ६२ पटक पढिएको
एनपीएलमा उत्कृष्ट प्रदर्शन गर्ने राहुल यादवलाई मेयर साहद्वारा सम्मान

रौतहट,०२ मंसिर।  नेपाल प्रिमियर लिग (NPL) मा उत्कृष्ट प्रदर्शन गर्दै आफ्नो खेलकौशल प्रस्तुत गरेका रौतहट जिल्लाका क्रिकेट खेलाडी राहुल यादवलाई सम्मान गरिएको छ ।

बुधवार क्रिकेट संघ रौतहट र गौर नगरपालिकाले संयुक्त रूपमा आयोजना गरेको सम्मान कार्यक्रममा गौर नगरपालिकाका मेयर शम्भु साहले खेलाडी यादवलाई दोसल्ला ओढाएर सम्मान गरेका हुन् ।

NPL जस्तो राष्ट्रियस्तरको चर्चित क्रिकेट प्रतियोगितामा उत्कृष्ट प्रदर्शन गर्नु राहुल यादवको व्यक्तिगत उपलब्धि मात्र नभई समग्र रौतहट जिल्लाका लागि पनि गौरवको विषय बनेको छ ।

उनको प्रदर्शनले जिल्लामा क्रिकेटप्रति आकर्षण बढाउनुका साथै स्थानीयस्तरमा लुकेर रहेका प्रतिभालाई राष्ट्रिय मञ्चसम्म पुग्न सकिन्छ भन्ने सकारात्मक सन्देश दिएको छ ।

खेलकुदमा प्रतिभा भएर मात्र पुग्दैन, त्यसलाई प्रोत्साहन गर्ने वातावरण र संस्थागत सहयोग पनि उत्तिकै आवश्यक हुन्छ । राहुल यादवलाई गरिएको सम्मानले खेलाडीको मनोबल बढाउनुका साथै जिल्लाका अन्य युवा खेलाडीलाई पनि क्रिकेट क्षेत्रमा अघि बढ्न प्रेरणा मिल्ने अपेक्षा गरिएको छ ।

रौतहटमा क्रिकेटको सम्भावना बढ्दै गएको अवस्थामा स्थानीय तह र क्रिकेट संघले प्रतिभावान् खेलाडीको पहिचान, प्रशिक्षण र प्रोत्साहनमा निरन्तर ध्यान दिन सके जिल्लाबाट थप राष्ट्रियस्तरका खेलाडी उत्पादन हुने सम्भावना बलियो बन्न सक्छ ।

राहुल यादवको उपलब्धिले रौतहटको खेलकुद क्षेत्रलाई थप उत्साहित बनाएको छ ।

ताजा अपडेट

खोजी गर्नुहोस