अन्सारीको हत्यारालाई बारा प्रहरीले पक्राउ

दिपेन्द्र जयसवाल,बारा जेठ ९
बाराको कलैया उपमहानगरपालिका वडा नम्बर ७ रंगपुर निवासी अब्दुल गफार अन्सारीको छोरा ७ वर्षीय उशमान अन्सारी र ९ वर्षीय अमान अन्सारीको हत्यारालाई बारा प्रहरीले पक्राउ गर्न सफल भएको छ । जेठ ४ गते दाजु भाइको घाँटी रेटेर हत्या गरेको अवस्थामा सोही वडामा रहेको मदर्शा सल्फिया कन्जुल उलुममा शव फेला परेको थियो । बारा प्रहरीले हत्यारालाई ५ दिनमा पक्राउ गर्न सफल भएको हो । पक्राउ पर्नेमा बाराको कलैया उपमहानगरपालिका वडा नम्बर ७ निवासी २५ वर्षीय फरमुल्लाह अन्सारी रहेको जिल्ला प्रहरी कार्यालय बाराका प्रवक्ता प्रहरी नायब उपरीक्षक गौतम मिश्रले बताएका छन् ।
प्रहरीको अनुसन्धानमा हत्या भएको मुख्य कारण फरमुल्लाह अन्सारीको एकहोरो प्रेम रहेको , आर्थिक लेनदेन र दाजु भाइको कारण मृतकको आमा र फरमुल्लाह बिचको घनिष्ट सम्बन्ध बाहिरिने डर रहेको खुलेको छ । त्यस्तै प्रहरी को अनुसन्धानमा उनी हौर दुबै भागेर जाने सन्दर्भमा बच्चाहरू बाधक देखिएको खुलेको छ पछिल्लो समय महिला निज अभियुक्तबाट टाढिदै गएको अवस्था र मृतक दाजु भाइको बुवा बिदेश बाट पठाउने ऋण पचाउने उदेश्यले हत्या गरिएको प्रहरीको अनुसन्धानमा खुलेको प्रहरी नायब उपरीक्षक गौतम मिश्रले बताएका छन् ।मृतक को घर मा ६ जना रहेका थिए । दुई दाजु भाइ , एक दिदी , एक बहिनी , आमा बुवा रहेका छन । मृतकका बुवा रोजगारीको लागी बिदेश रहेका छन् ।
मृतक दाजु भाइको आमासँग अभियुक्तले आर्थिक कारोबार समेत गरेको अनुसन्धानमा खुलिएको छ । अभियुक्तले र मृतकहरूको आमासँग लिएको ऋणको रकम समेत हाल सम्म फिर्ता नगरेको , घटना वारदातको दिन मृतकहरूको आमाको माईतीमा भाइ नाता पर्ने व्यक्तिको मृत्यु भएको हुँदा दाहसंस्कार कार्यमा सरिक हुन मृतहरूको आमा माइती तर्फ गएकी र घरमा बच्चाहरू मात्र भएको मौका छोपी अभियुक्तले साँझ पख बच्चाहरूलाई लोभ लालचमा पारी एकान्त स्थलमा बोलाई हत्या गरी छाडेको अनुसन्धानमा खुलिएको प्रहरी नायब उपरीक्षक मिश्रले बताएका छन् ।