अमरेश कुमार पाण्डे । बारा । चैत्र ०८ गते
बारामा कटुवा पेस्तोल सहित एक जनालाइ प्रहरीले पक्राउ गरेको छ । शुक्रवार बेलुका जिल्ला बारा जितपुरसिमरा उपमहानगरपालिका ७ शान्ति टोल स्थित बाटो छेउमा रहेको गजेन्द्र ठाकुरको सैलुन (कपाल काट्ने पसल) मा शंकास्पद रूपमा बसिरहेको ब्यक्तिसँग हतियार सहित गोलि पनि बरामद भएको छ । पक्राउ पर्नेमा जिल्ला महोत्तरी साविक डाम्ही मडई गा.वि.स.वडा नं.२ हाल परिवर्तित महोत्तरी गाँउपालिका वडा नं.२ बस्ने वर्ष ४० को प्रमोद कुमार चौधरी भूमिहारलाई इलाका प्रहरी कार्यालय सिमरा र जितपुर बाराबाट खटिएको संयुक्त प्रहरी टोलीले चेकजाँच गर्दा निजको साथ बाट कटुवा पेस्तोल थान १, सोहि पेस्तोलमा फिट हुने गोली २ राउण्ड र मोबाईल सेट २ थान फेला परेको थियो । प्रमोद कुमार चौधरी भूमिहारलाई पक्राउ गरीएको जिल्ला प्रहरी कार्यालय बाराले जनाएको छ।
पक्राउ परेका भुमिहारलाई हिरासतमा राखि थप अनुसन्धान भइरहेको जिल्ला प्रहरी प्रबक्ता गौतम मिश्रले जानकारी दिनुभएको छ।
