आरके श्रीवास्तव । कटहरिया । चैत २७ गते
नेपाल पत्रकार महासंघ रौतहटको नव निर्वाचित टिम लाइ वर्तमानकाल दैनिकमा भव्य स्वागत तथा सम्मान गरिएको छ । शुक्रवार रौतहट शाखाका अध्यक्ष प्रेमचन्द्र झा सहित टोली वर्तमानकाल दैनिकको आमन्त्रण स्विकार गरि कटहरिया पुगेको थियो । पत्रिकाका प्रकाशक रौशन कुमार चौधरीले टिका लगाइ गमछा ओढाएर स्वागत तथा सम्मान गरेका थिए । भर्खरै सम्पन्न भएको महासंघको निर्वाचन बाट चुनिएका पदाधिकरीहरु वर्तमानकाल दैनिक पत्रिकाको केन्द्रिय कार्यालय कटहरियामा पुगेका थिए ।
टोलीमा नेपाल पत्रकार महासंघ रौतहट शाखाका अध्यक्ष प्रेमचन्द्र झा सहित महिला उपाध्यक्ष रजनी ठाकुर , उपाध्यक्ष प्रविन शर्मा , सह सचिव संजय सहनी साथै पत्रकार एवम् साहित्यकार संजय साह मित्र समेत रहेका थिए । यसै क्रममा पत्रिकाका कार्यकारी सम्पादक राजु कुमार श्रीवास्तवले टिका लगाइ बधाइ एवम् कार्यकाल सफलताको लागि शुभकामना समेत व्यक्त गरेका थिए ।
यस अवसरमा वर्तमानकाल दैनिक पत्रिकामा आबद्ध सञ्चारकर्मीहरु राजेश पासवान , प्रदिप दास , राजेश वानिया ,विकि यादव सहितका व्यक्तीहरुको सहभागिता रहेको थियो । प्रकाशक चौधरीले महासंघको टोलीलाइ पत्रिकाको कार्यालयमा आइदिनु भएकोमा धन्यवाद समेत ज्ञापन गरेका थिए ।
