मौलापुरमा यूवा संघ नेपालको शुभकामना आदानप्रदान कार्यक्रम सम्पन्न

आरके श्रीवास्तव । रौतहट । वैशाख ०२ गते
रौतहट जिल्लाको मौलापुर नगरपालिकामा यूवा संघ नेपालको शुभकामना आदानप्रदान कार्यक्रम सम्पन्न भएको छ । सो नगरपालिकाको वडा नम्बर ०८ स्थित बौधिमाई मन्दिर नजदिक यूवाहरु जम्मा भएका थिए । यूवा संघ नेपाल रौतहटको आयोजनामा वनभोज तथा नयाँ वर्ष वि.स. २०७८ को अवसरमा शुभकामना आदानप्रदान कार्यक्रम राखिएको थियोे । कार्यक्रमको अध्यक्षता यूवा संघका केन्द्रीय सदस्य रामकल्याण यादवले गर्नु भएको थियोे भने कार्यक्रम संचालन संतोष कुमार साहले गर्नु भएको थियो । यात्रा समृद्धिको लक्ष्य समाजवादको नाराको यूवा संघ नेपालले मौलापुर नगरस्तरीय यूवाहरूको भेला बोलाएको थियो । सो अवसरमा नेकपा एमाले जिल्ला कमिटी उपाध्यक्ष मिथलेश नन्दन मिश्रा , बौधिमाई नगरपालिका वडा ८ का वडाध्यक्ष उपेन्द्र दास , वडा नम्बर ७ विजय कुश्वाहा , मौलापुर वडा नम्बर ४ वडाध्यक्ष धुपाराय यादव,उमेश यादव ,नेपाल राष्ट्रिय शिक्षक संगठन रौतहटका अध्यक्ष धर्मेन्द्र सिंह सहित दर्जनौं यूवाहरूको सहभागीता रहेको थियो ।