४३ वटा अक्सिजन सिलिन्डर रौतहट प्रहरीद्वारा नियन्त्रणमा

आरके श्रीवास्तव । रौतहट । बैशाख २५ गते
४३ वटा अक्सिजन सिलिण्डर रौतहट प्रहरीद्वारा नियन्त्रणमा लिइएको छ । आज शनिबार स्वस्थ्य प्रयोजन वाहेक अन्य प्रयोजनमा प्रयोग गर्ने उद्देश्यले स्टक गरि राखेको सिलिन्डर नियन्त्रणमा लिएको हो ।
अक्सिन भएको ७ किलो तौल भएको २८ वटा, १।५ किलो तौल भएको ३ वटा र खाली अक्सिजन ७ किलो तौल भएको १२ वटा समेत गरि जम्मा ४३ वटा अक्सिजन सिलिण्डर जफत गरेको प्रहरीले जनाएको हो । जिल्लाको गरुडा, गौर र चन्द्रपुर गरी ७ स्थानहरुबाट नियन्त्रणमा लिई स्वास्थ प्रयोजनमा प्रयोग गर्ने गराउने तर्फ आवश्यक कारवाही भईरहेको र स्टक गर्ने व्यक्तीहरुलाई आवश्यक कार्यवाहीको लागि थप अनुसन्धान भईरहेको जिल्ला प्रहरी कार्यालय रौतहटले जनाएको हो ।