स्व.विजय राम चमारको परिवारलाई चमार कल्याण समाज प्रवासी संगठनहरूको सहयोग

आरके श्रीवास्तव । रौतहट । जेठ १५ गते
स्वर्गीय विजय राम चमारको परिवारलाई चमार कल्याण समाज प्रवासी संगठनहरूले सहयोग गरेका छन् । आज शनिबार एक कार्यक्रमका बिच विदेशमा रहेका संगठनहरूले सहयोग रकम संकलन गरि पठाएको थियोे सो राहत सामाग्री पिडित परिवारलाई बुझाईएको हो । चमार कल्याण समाज मलेसिया शाखाका संस्थापक कार्यसमिति सदस्य स्वर्गीय विजय राम चमार जुन बारा जिल्ला निवासी हुन् उनको परिवारलाई उक्त सामाग्री उपलब्ध गराईएको दलित अगुवा पुनित रामले जानकारी गराउनु भएको हो । चमार कल्याण समाज साउदी अरेबिया शाखा ,कतार , मलेसिया , दुबई लगाएतका शाखाहरुबाट प्राप्त आर्थिक सहयोगबाट केही खाद्यान्न , लत्ताकपडा ,चामल , बालबालिकाहरुलाई केही शैक्षिक समाग्री र केही नगद रुपैया चमार कल्याण समाज रौतहट जिल्लाका संयोजक सोनेलाल चमार र जिल्ला प्रवक्ता ,गुजरा नगर कार्यपालिका सदस्य एवम् दलित अगुवा पुनित राम चमार लगाएतका टिमले घरमै पुगेर हस्तान्तण गर्नुभएको थियो । चमार समाज कल्याण मलेसिया बाट प्राप्त नगद ३५ हजार,१ कविन्टल चामल,दाल,आलु सहित अन्य सामाग्रीहरू दलित अगुवा पुनित रामले सहयोग गर्नु भएको छ । त्यस्तै चमार समाज कल्याण मलेसियाका संयोजक नन्दलाल राम, साउदी संयोजक सुरेन्द्र महरा,दुबई संयोजक शम्भु महरा चमार सहितका व्यक्तिहरूको सक्रियतामा उक्त राहत सामाग्री संकलन गरि पठाईएको थियो । चमार कल्याण समाजको यूरोप ,अमेरिका , ईजरायल,साउथ कोरिया , भारत सहित १२ वटा देशमा शाखाहरू रहेका छन् । कुनै चमारजातिलाई समस्या परेको बेलाबखतमा आर्थिक सहयोग देखि लिएर हरेक किसिमको सहयोग गर्दै आईरहेका छन् ।