गुजराको जङ्गलसहियामा खानेपानी ट्यांकीको मेयर चौधरीले गरे शिलान्यास

आरके श्रीवास्तव । रौतहट । जेठ १५ गते
गुजरा नगरपालिकाको जङ्गलसहियामा खानेपानी ट्यांकीको मेयर सन्तलाल चौधरीले शिलान्यास गरेका छन् । आज जेठ १५ गते शनिबारका दिन एक कार्यक्रमका बिच शिलान्यास गरिएको हो । गुजरा न।पा।३ जङ्गलसहिया पशुपतीटोलमा संघीय खानेपानी तथा ढल ब्यबस्थापन मन्त्रालय अन्तर्गत उक्त खानेपानी ट्यांकी निर्माण हुन लागेको हो । स्थानीय जुझारु युवा नेता तथा समाजसेवि नेता हरिबन्श मैनालीको पहलमा खानेपानी ओभर हेड ट्याङकि निर्माणको योजना रहेको छ । उक्त अवसरमा समितिको पदाधिकारिहरुको सहयोगमा गुजरा नगर प्रमुख सन्तलाल प्रसाद चौधरीले शिलान्यास कार्यक्रम सु(सम्पन्न गर्नु भएको थियो ।