सशस्त्र प्रहरी निरिक्षक अमृत दुलाल द्धारा अबैध कुखुरा नष्ट

उमेश यादव । बारा । जेठ १८ गते
बारा जिल्लाको सशस्त्र प्रहरी द्धारा अबैध कुखुरा नष्ट गरिएको छ । जिल्लाको कबहीगोठ स्थित रहेको सशस्त्र प्रहरीले भारत बाट ल्याएको अबैध कुखुरा नष्ट गरेको हो । मंगलवार बिओपी कबहीगोठ बाट गएको गस्ती टोलीले भारत बाट नेपाल तर्फ ल्याउँदै गरेको अबैध कुखुरा पक्राउ गरेको थियो । करिब ६८ वटा कुखुरा अन्दाजी १ सय ४६ किलो बरामद गरि नष्ट गरिएको हो ।नेपाल प्रहरीको टोलि र क्वारेनटाइन बाट खटि आएको अधिकृत सहितको टोली र स्थानियहरुको रोहबरमा बिहान ११ बजेर ३० मिनेटको समयमा नष्ट गरिएको इन्सपेक्टर अमृत दुलालले जानकारी गराउनु भयो । पछिलो समय भारत बाट अबैध कुखुरा तस्करी भइरहेको भनि सूचना आएपछि सशस्त्र प्रहरी गस्ती लाइ तिव्रता दिएको हो ।