चन्द्रपुरको डुमरियामा अक्सिजन कन्सन्ट्रेटर सहयोग ।।

उपेन्द्र गोले रौतहट । असार १७ गते
रौतहटको चन्द्रपुर डुमरियामा अक्सिजन कन्सन्ट्रेटर सहयोग प्राप्त भएको छ । रौतहटको चन्द्रपुर नगरपालिकाको वडा नम्बर ९ डुमरियास्थित प्राथमिक स्वास्थ्य केन्द्रलाई स्लोवर्स एक्सन तथा हङकङ नेपाली महासंघले विहिबार एक कार्यक्रमका बिच सो सामग्री हस्तान्तरण गरेको हो । मानव प्राणीका सबैभन्दा महत्वपुर्ण पक्ष स्वास्थ्य भएकाले आम नागरिकहरुलाई स्वस्थ बनाउन केही हदसम्म सहज वातावरण सिर्जना गर्न डुमरियास्थित स्वास्थ्य चौकीलाई अक्सिजन कन्सन्ट्रेन्टर सहयोग गरेको हङकङ नेपाली महासंघले जनाएको छ । स्वास्थ्य चौकीलाई अक्सिजन कन्सन्ट्रेन्टर सहयोग उपलब्ध गराएको चन्द्रपुर नगरपालिका वडा नम्बर ९ का वडा अध्यक्ष गोविन्द दुलालले धन्यवाद दिनु भयो ।