ईप्रका गरुडाको नयाँ डिएसपीको रुपमा श्रीराम भण्डारी

आरके श्रीवास्तव । रौतहट । असार १७ गते
रौतहटको इलाका प्रहरी कार्यालय गरुडाको प्रहरी प्रमुख एवं प्रहरी नायव उपरीक्षक डिएसपीको रुपमा श्रीराम भण्डारी आउनु भएको छ । विगत ९ महिनादेखी इलाका प्रहरी कार्यालय गरुडाको कमाण्ड सम्हाल्दै आएका डिएसपी रावलको प्रहरी हेड क्वाटर काठमाडौंमा यस अघि नै सरुवा भइसकेको छ । त्यसपछि द्धारिका प्रसाद घिमिरे आउनु भएको थियो स्वास्थ्यमा समस्या भइपछि उपचारको क्रममा रहेका घिमिरेको ठाउँमा श्रीराम भण्डारी आउनु भएको हो ।
इलाका प्रहरी कार्यालय गरुडाले विहिवार सम्मानका साथ डिएसपी भण्डारीको स्वागत गरेको छ ।
इलाका प्रहरी कार्यालय गरुडामा आजै नयाँ डिएसपी भण्डारी हाजिर भएका छन ।
गरुडाको नयाँ प्रहरी प्रमुख प्रहरी नायव उपरीक्षक डिएसपीको रुपमा भण्डारी आएका हुन ।
प्रहरी प्रधान कार्यालय मानवश्रोत एवं प्रशासन विभाग प्रशासन शाखाको मिति २०७८ असार १३ गतेको पत्रआदेशानुसार इप्रका गरुडामा काज खटिई आउनु भएका प्र।ना।उ। भण्डारीले तालुक कार्यालयबाट रवाना लिई आजै हाजिर हुनु भएको इलाका प्रहरी कार्यालय गरुडाले जनाएको हो ।