रौतहटको चन्द्रपुर— ७ को वडा कार्यालयको उदघाटन

उपेन्द्र गोले रौतहट । असार ३० गते
रौतहटको चन्द्रपुर नगरपालिकाको वडा नम्बर ७ को वडा कार्यालय भवनको विधिवत रुपमा उदघाटन भएको छ । बुधबार एक कार्यक्रमकाबिच रौतहटको चन्द्रपुर नगरपालिकाको वडा नम्बर ७ बनबहुअरीमा नवनिर्मित वडा कार्यालयको उद्घाटन गरिएको हो । चन्द्रपुर नगरपालिकाका नगर प्रमुख रामचन्द्र चौधरी,उपप्रमुख रामरती चौधरी,वडाध्यक्ष बिष्णु प्रसाद उप्रेती,४ नम्बर वडाका वडाध्यक्ष अमर बहादुर आले र ९ नम्बर वडाका वडाध्यक्ष गोबिन्द दुलालले संयुक्त रूपमा नवनिर्मित वडा कार्यालय भवन उद्घाटन गरेका हो । ५ कोठे वडा कार्यालय भवनको २ बर्षअघि सिलान्यास गरिएको थियो । सो भवनको लागत करिब २५ लाख रुपैयाँ रहेको थियो । नगरपालिकाभित्रका वडा कार्यालय व्यवस्थित नभएसम्म वडा तहको कार्य सम्पादन व्यवस्थित हुन नसक्ने नगर प्रमुख रामचन्द्र चौधरीले बताउनु भयो । उहाले सबैको साथ र सहयोग भएकै कारण चन्द्रपुरमा विकाशका कामहरु तिब्र गतिमा भएको भन्दै नगरबासीलाई धन्यबाद समेत दिनु भयो । नगरपालिकाका सबै वडाको विकाश गर्दै वडाबासीलाई छिटो छरितो सेवा दिनु नै मुख्य जिम्मेवारी भएको उपप्रमुख रामरती चौधरीको भनाई रहेको छ । उद्धाटनका क्रममा स्थानीय जग्गा दाता उद्धब प्रसाद चिमोरीयालाई कदर पत्रका साथ सम्मान समेत गरिएको थियो ।