गौर नपाको वडा नम्बर २ विभिन्न भवनहरुको गरियो उद्धघाटन

स्मिथ रजक । गौर । १३ गते
रौतहट जिल्लाको सदरमुकाम गौरमा विभिन्न भवनहरुकोे उद्धघाटन गरिएको छ । सो नगरपालिकाको वडा नम्बर २ मा रहेको वडा कार्यालय भवन, प्रहरी चौकी भवन, स्वास्थ्य सेवा केन्द्र भवनको समुद्घाटन गरिएको छ । रौतहटका सिडियो इन्द्रदेव यादव र नगरप्रमुख अजय कुमार गुप्ताले संयुक्त रुपमा उद्धघाटन गर्नु भएको थियो । सो वडाका वडाध्यक्ष राकेश कुमार झाको सक्रियतामा सो भवनहरुको निर्माण कार्य सम्पन्न भएको हो । त्यस्तै प्रदेश प्रहरी प्रमुख (डिआईजी) उमेश रञ्जितकारद्वारा जिल्ला प्रहरी कार्यालय रौतहटको प्राङ्गणमामा बनेको नवनिर्मित प्रतिक्षालय र गौर नगरपालिकाको आर्थिक सहयोगमा वडा नं.२ महादेवपट्टी स्थित बनेको नवनिर्मित प्रहरी चौकीको उदघाटन गर्नु भएको छ । उदघाटन कार्यक्रममा उप प्रमुख किरण ठाकुर ,प्रमुख जिल्ला अधिकारी इन्द्रदेव यादव, डि आइ जी उमेश रंजितकार लगयतकाहरुको सहभागिता रहेको थियो । सोहि कार्यक्रम मार्फत राम जानकी मन्दिर समितिका पदाधिकारीहरुलाई सम्मान पनि गरिएको थियो ।