कटहरिया ७ बगहीमा बालपोषण र सामाजिक सुरक्षा भता गरियो

आरके श्रीवास्तव । रौतहट । चैत्र १३ गते
रौतहट जिल्लाको कटहरिया नगरपालिकाको एक वार्डमा बालपोषण र सामाजिक सुरक्षा भता गरिएको छ । कटहरिया वार्ड नम्बर ७ बगहीमा वितरण गरिएको हो । सो वडाको आर्थिक वर्ष २०७७ र ०७८ को दोस्रो किस्ताको बाल पोषण रकम वितरण गरिएको छ भने सामाजिक सुरक्षा भता बैंक मार्फत भुक्तानी पठाइएको वडाध्यक्ष हरिभजन साहले जानकारी गराउनु भएको हो । दलित बालबालिका ७३ र अन्य ४३२ गरि ५ सय पाँच जना बालबालिकाहरुलाइ वितरण गरिएको वडा सचिव जयराम साहले जानकारी गराउनु भयो । प्रति महिना ४ सय का दरले ४ महिना १६ सय रुपैयाँ अभिभावकहरुले बुझेर लगेका छन् ।
त्यस्तै जेष्ठ नागरिक , एकल महिला , अपांगहरुको दोस्रो चौमासिक किस्ताको रकम एनआइसी बैंकमा पठाइएको वडाध्यक्ष साहले बताउनु भयो । सो अवसरमा वडाध्यक्ष साह सँगै वडासचिव जयराम साह,धर्मेन्द्र साह , स्थानिय भद्रभलादमीहरुको उपस्थिती रहेको थियो ।