स्मिथ रजक । गौर । चैत २९
राजदेवी नगरपालिकाको आर्थिक सहयोग र समाज सुधार अभियानको आयोजनामा मेयर कप क्रीकेट प्रतियोगिता २०७७ आज सम्पन्न भएको हो ।
फाइनल खेलमा प्रमुख अतिथिको रुपमा जिल्ला काङ्ग्रेस सभापति कृष्णा यादव, विशिष्ट अतिथिको रुपमा काङ्ग्रेस विधायक प्रत्याशी क्षेत्र नं।१ ९क० का नागेन्द्र साह र राजदेवी नगरपालिकाको नगर प्रमुख धिरेन्द्र कुमार सिंह र अतिथिको रुपमा समाजसेवी नवीन सिंह, रामप्रताप सिंह, राधेश्याम साह, चर्चित युवा किशन सिंघम, प्रत्येक वडाका वडा अध्यक्ष लगायत दर्जनौं स्थानीय भद्रभलादमीहरुको उपस्तिथि रहेको थियो । कार्यक्रममा बोल्दै नगर प्रमुख धिरेन्द्र सिंहले भने कुनै पनि एक आपसको मित्रतालाई कायम गरि खेल्नुपर्छ नि कि अहंकारको भावनाले खेल एक आपसमा भाइचारा बनाई राख्नको लागि नै बनाइएको हो । खेलाडीहरु खेलकै माध्यमबाट आफ्ना नगर, जिल्ला र देशलाई विश्वभरमा नाम चिनाउने हुन्छ । त्यस्लै यो प्रतियोगितामा यहाँको युवा खेलाडीहरुले उत्कृष्ट प्रदर्शन गरी आफ्नो जिल्ला र देशको प्रतिनिधित्व गर्न राम्रो अवसर रहेको विश्वास व्यक्त गरे । त्यसलै तपाईंहरुले यो खेललाई पनि उत्सवको रुपमा मानी प्रतियोगितालाई भेदभाव रहित र शान्त वातावरणमा सम्पन्न गराउनु भएकोमा सम्पुर्ण नगरवासी लगायत आयोजक पक्षलाई विषेश धन्यवाद व्यक्त गर्दछु ।
