माओवादीका युवा नेता पाण्डेय सहित भारतीय नागरिक उपर गोली प्रहार

नारद कोहार
कपिलवस्तु, ६ वैशाख ।
नेकपा (माओवादी केन्द्र) कपिलबस्तुका युवा नेता दिपक पाण्डेय सहित एक भारतीय नागरिक उपर गए राती कपिलवस्तु नगरपालिका वडा नं. ६ स्थित थुमुवा तौलिहवा सडक खण्डको सडवामा अपरिचित व्यक्तिबाट गोली प्रहार भएको छ । राती करीब ११ बजे मोटरसाईकलमा जगदीशपुर क्षेत्रबाट घर तर्फ फर्कदै गरेका युवा नेता पाण्डे र भारतीय नागरिक उपर गोली प्रहार भएको प्रहरी उपरीक्षक नवराज अधिकारीले बताए । युवा नेता पाण्डे माथि २ गोली र भारतीय नागरिक ईयाज अख्तर उपर १ गोली लागेको प्रहरीले जनाएको छ । घटना थाहा पाए लगत्तै घाईते दुवै जनालाई उपचारका लागि भैरहवा स्थित मेडिकल कलेजमा लगिएको प्रहरी उपरीक्षक अधिकारीले बताए । घटनाबारे थप अनुसन्धान शुरु गरिएको प्रहरीले जनाएको छ ।