काठमाडौं प्रहरीको विशेष अपरेसनमा २५० जना पक्राउ

काठमाडौं ,१६ असोज।  जिल्ला प्रहरी परिसर काठमाडौंले स्विप अपरेसन चलाएर काठमाडौंका विभिन्न ठाउँहरूबाट २५० जनालाई पक्राउ गरेको छ ।

२४ घण्टाको अवधिमा विभिन्न ठाउँहरूबाट २५० जनालाई पक्राउ गरिएको परिसरका एसपी तथा प्रवक्ता दानबहादुर थापाले बताए ।

पक्राउ पर्नेहरूमा २२७ जना पुरुष र २३ जना महिला छन् । सुरक्षित काठमाडौं अभियान अन्तर्गत प्रहरीले स्विप अपरेसन चलाएर कारबाही गरिरहेको छ ।

विभिन्न आपराधिक पृष्ठभूमिका, पटके कसुरदारहरू, होल्ला गर्ने, सार्वजनिक शान्तिमा खलल पुर्‍याउने लगायतका व्यक्तिलाई प्रहरीले पक्राउ गरेको हो ।