बारामा श्रीमतीको हत्या गरेर फरार रहेका श्रीमान पक्राउ परेका छन्

बारा जेठ ६
बारामा श्रीमतीको हत्या गरेर फरार रहेका श्रीमान पक्राउ परेका छन् ।यहि वैशाख ९ गते बाराको जीतपुर सिमरा उपमहानगरपालिका वडा नं.३ बजनी छिमेकी टोलमा राती आफ्नो ४५ वर्षीय श्रीमती पार्वती कार्कीलाई घरको माथिल्लो तल्लामा इँटाले टाउकोमा प्रहार गरी हत्या गरेर फरार रहेका ५६ वर्षीय हरि बहादुर कार्की प्रहरीले पक्राउ गरेको जिल्ला प्रहरी कार्यालय बाराका प्रवक्ता प्रहरी नायब उपरीक्षक गौतम मिश्रले बताउनु भयो । हरि बहादुरलाई जीतपुर सिमरा उपमहानगरपालिकाको वडा न.२ मा लुकिछिपी बसेको अवस्थामा इलाका प्रहरी कार्यालय सिमराले पक्राउ गरेको हो