सर्लाहीमा जिल्ला स्तरीय रंगशाला निर्माण हुने मन्त्री सिंह

राजिव शाह । सर्लाही । असार ०६ गते
युवा, खेलकुद तथा महिला बालबालिका मन्त्री माननीय बिरेन्द्र सिंहले सर्लाहीमा रंगशाला निर्माण गर्ने बताउनु भएको छ । सर्लाहीको स्थित धनकौलमा रेडियोकर्मी संग कुरा गर्दै यस्तो कुरा बताउनु भएको छ । नेपाली काङ्ग्रेस सर्लाही क्षेत्र नं।४ ९क० बाट निर्वाचित सिंहले यो बर्ष सर्लाहीको दुईवटा ठाउँमा जिल्ला स्तरीय रंगशाला निर्माण हुने बताउनु भएको छ । सर्लाहीका पत्रकार संगको परिचयात्मक भेटघाट एवं शुभकामना आदानप्रदान कार्यक्रममा मन्त्री सिंहले प्रदेश नं।२ को जिम्मेवार मन्त्रीको रुपमा जिल्ला र क्षेत्रमा नमुना विकास गर्ने बताउनुभयो । उहाँले युवाको खेलकुद बिकास र महिला तथा बालबालिका एवं ज्येष्ठनागरिकको समस्या समाधान प्रति प्रतिबद्ध समेत रहेको बताउनुभयो । प्रदेश २ को सरकारमा नेपाली काँग्रेसकाबाट सर्लाहीका विरेन्द्र प्रसाद सिंह सत्तारुढ जनता समाजवादी पार्टी९जसपा०र नेपाली काँग्रेसबीच २ बुंदे सहमति भएपछि मुख्यमन्त्री लालबाबु राउतले जेठ २६ गते मन्त्रिमण्डल बिस्तार गरेको थियो ।सोही मन्त्रीमण्डलमा नेपाली काँग्रेसबाट सर्लाहीका सिंह युवा,खेलकुद तथा महिला बालबालिका मन्त्री भएका हुन् ।