ईशनाथमा नगर स्तरीय आईटी आर्मी गठन

स्मिथ रजक । गौर । साउन १४ गते
आईटी आर्मी नेपालको केन्द्रीय कमिटी गठन भए सँगै स्थानीय स्तरमा पनि कमिटीहरू धमाधम गठन हुन थालेका छन् । खासगरी रौतहटमा नगर स्तरीय र वडा स्तरीय कमिटीहरू धमाधम गठन भईरहेको छ । यसै क्रममा आज ईशनाथ नगरपालिकामा पनि नगर स्तरीय कमिटी गठन भएको छ ।आज ईशनाथ नगरपालिका वडा नम्बर ९ अन्तर्गत रहेको श्री जन्ता मा.बि.डुमरियाको प्राङ्गणमा युवाहरुको नगर स्तरीय भेला गराई युवाहरुको उपस्तिथिमा आई. टी. आर्मी (IT Army) को नगर कमिटी गठन भएको छ । भेलाबाट अध्यक्ष पदमा मुकेश सिन्हा , उपाध्यक्ष पदमा दिलिप गुप्ता, सचिव पदमा दिलिप कुशवाहा लगायत व्यक्तिहरू रहेका छन् । सो कमिटीका सम्पूर्णमा सदस्यहरुलाई एकमुष्ट हार्दिक बधाई तथा सफल कार्यकालको कामना सहित शुभकामना व्यक्त गरिएको छ । भ्रष्टाचार, कुशासन, आरजकता एवं दण्डहिनताको विरुद्ध संघर्ष गर्दै समाजमा बिधमान बिकृति, बिसंगती हटाऊनको आइटी आर्मी गठन भईरहेको आर्मीका जिल्ला संयोजक नरेश साहले जानकारी दिनु भयो ।